काठमाडौँ – जापानको तोक्यो विश्वविद्यालयको प्रवेश परीक्षाका क्रममा चक्कु प्रहारबाट तीनजना घाइते भएका छन्। जापानी प्रसारक एनएचकेका अनुसार स्थानीय प्रहरीलाई उद्धृत गर्दै एक १७ वर्षीय छात्रलाई हत्या प्रयासको आशंकामा पक्राउ गरिएको छ।

पीडितको पछाडिको भागमा चोट लागेको र अस्पताल लगिएको बताइएको छ। तीमध्ये दुईजना उच्च माध्यमिक विद्यालयका विद्यार्थी थिए। उनीहरू त्यस दिन प्रवेश परीक्षा दिन आएका थिए भने अर्का पीडित ७० वर्षीय पुरुष थिए।

उक्त घटनाबारे छानबिन भइरहेको बताइएको छ।