काठमाडौं । सरकारले कोरोनाभाइरस (कोभिड-१९) विरुद्धको खोपको तेस्रो मात्रा अर्थात् ‘बुस्टर’ डोज दिने तयारी गरेको छ । खोपको पहिलो र दोस्रो मात्रा लगाएका दीर्घरोगीलाई तेस्रो मात्रा दिने तयारी गरिएको हो ।

हिजो बसेको राष्ट्रिय खोप सल्लाहकार समितिको बैठकले सरकारलाई पहिलो र दोस्रो मात्रा खोप लगाएका तथा एन्टीबडी कम भएका दीर्घरोगीलाई बुस्टर डोज दिन सल्लाह दिएको परिवार कल्याण महाशाखाले जनाएको छ ।

दिर्घरोगीको यो समूहमा क्यान्सर, मुटु, कलेजो, मिर्गौला, फोक्सोसम्बन्धी जटिल स्वास्थ्य समस्या भएका नागरिकहरु पर्दछन् । सरकारले पूर्ण जनसंख्यालाई कोरोनाविरुद्ध खोपको पहुँचमा नपु¥याइकनै बुस्टर डोजको तयारी गरेको छ ।

यद्यपि नेपालको कुल जनसंख्याको ३४ दशमलव १ प्रतिशतले पहिलो मात्रा खोप लगाएका छन् भने २८ दशमलव ६ प्रतिशतले पूर्ण मात्रा खोप लगाएका छन् ।