काठमाण्डौँ । सहिद स्मारक ए डिभिजन लिग फुटबलमा संकटाले फ्रेन्डस् क्लबविरुद्द २–१ गोलअन्तरको पुनरागमन जित हासिल गरेको छ ।
पहिलो हाफमा १ गोलले पछि परेको संकटाले दोस्रो हाफमा २ गोल गर्न सफल भएको हो ।

प्रकाश बुढाथोकीले ४२ औं मिनेटमा बक्सबाहिरबाट गरेको सानदार गोलपछि फ्रेन्ड्सले अग्रता बनाएको थियो । संकटालाइ जित दिलाउन निरज बस्नेत र फोडे फोफानाले १–१ गोल गरे । निरजले ५७औं र फोफानाले ७० औं मिनेटमा गोल गरेका हुन् ।

पहिलो खेलमा हिमालयन शेर्पासँग १–१ गोलको बराबरी खेलेको संकटाले २ खेलबाट ४ अंक पुर्यायो । पहिलो खेलमा नवप्रवेशी सातदोवाटोसँग गोलरहित बराबरी खेलेका फ्रेन्ड्स अग्रता बनाएर पनि अंक हासिल गर्न असफल रह्यो । neplays.com