काठमाडौं । व्यवस्थापिका संसद सचिवालयमा औषधि उपचारबापत रकम लिने सांसदको लर्को नै लाग्ने गरेको छ । सचिवालयमा औषधि उपचारबापत रकम माग गर्ने सांसदको संख्या कुल संख्याको एक चौथाइभन्दा बढी रहेका छन् ।

दोस्रो संविधानसभा निर्वाचनपछि २०७१ वैशाखदेखि २०७२ पुससम्म एक सय ५९ सांसदले संसद सचिवालयबाट उपचार खर्च लिइसकेको सचिवालयले जनाएको छ ।

उनीहरुले उपचार खर्चबापत हालसम्म ५४ लाख ५९ हजार रुपैयाँ लिइसकेका छन् । माग भएमध्ये २५ लाख रुपैयाँ सचिवालयले विचाराधीन अवस्थामा राखेको छ । राजधानी दैनिकमा समाचार छ ।