काठमाडौँ । अबुधाबीस्थित नेपाली दूतावासको अनुरोधमा युएई सरकारले १ सय ६६ जना नेपाली बन्दीलाई आममाफी दिएको छ ।

सरकारले पवित्र महिना रमादान एवं ईद पर्वका अवसरमा १ सय ६६ जना नेपाली बन्दीलाई आम माफी दिइएकामा युएई सरकारप्रति हार्दिक कृतज्ञता समेत ज्ञापन गरेको छ । परराष्ट्र मन्त्रालयले आज एक विज्ञप्ति जारी गर्दै युएई सरकारको उक्त कदम हार्दिकतापूर्ण द्विपक्षीय सम्बन्धको नमूना भएको जनाएको छ ।

यसअघि कतारले पनि रमजान र इदको अवसरमा १८ जना नेपाली कैदीलाई आममाफी दिएको थियो । आममाफी दिएकोमा परराष्ट्र मन्त्रालयले आभार व्यक्त गरेको थियो ।