काठमाडौं । शिवरात्रीका अवसरमा फागुन १४ मा नेपालसहित अन्तर्राष्ट्रिय बजारमा एकसाथ प्रदर्शनमा आउने प्रतीक्षित चलचित्र ‘लाज शरणम’को टिजर सार्वजनिक भएको छ । वैदेशिक रोजगार र युवाको श्रमशक्तिको केन्द्रमा चलचित्र निर्माण भएको बुझिन्छ ।सेभेन सिज इन्टरनेसनलले फिल्मलाई अन्तर्राष्ट्रिय बजारमा रिलिज गर्दैछ ।

कुमार कट्टेल ‘जिग्री ब्रो’ले निर्देशन गरेको फिल्ममा अर्जुन घिमिरे (पाँडे), सागर लम्साल (बले), हरिष निरौला (क्रकोज), प्रियाना आचार्य (मुन्नी)जस्ता ‘सक्किगो नि’ सिरियलका कलाकार छन् ।

चलचित्रमा, मुकुन्द श्रेष्ठ, महेश त्रिपाठी, विजय बराल, अर्पण थापा, कमलमणि नेपाल, सीताराम कट्टेल ‘धुर्मुस’, रेणु योगी, विजय लामा, माला लिम्बुको पनि अभिनय छ । फिल्ममा नवीन श्रेष्ठ निर्माता, रामनरेश साह र सृजना खड्का सह–निर्माताको रूपमा छन् । सुदीप बरालले छायांकन गरेका हुन् ।