काठमाडौँ । निर्देशक मिलन चाम्सको निर्देशनमा पूर्ण प्रेम कथानक चलचित्र बन्ने भएको छ । गोर्खा फिल्मस र चाम्स इन्टरटेन्मेन्टको संयुक्त लगानीमा निर्माण हुने चलचित्रको टाइटल सहित अन्य जानकारी भने ३ फेब्रुअरी दिउँसो १ बजे दिने चाम्सले जानकारी दिएका छन् । चाम्स द्वारा निर्देशित उनको दशौ चलचित्र ‘अञ्जिला’ आगामी फागुन २९ गतेबाट प्रदर्शनमा आउदै छ ।

‘वार’ विधामा ‘गोर्खा वारियर’ र सोसल ड्रामा तथा वायोपिक ‘अञ्जिला’ निर्देशन गरेका उनका ‘बिर बिक्रम’,’लिली बिलि’,’ब्लाइण्ड रक्स’, जस्ता फरक फरक जनराको चलचित्र छन् । चाम्सले यस पटक प्रेम कथामा चलचित्र निर्देशन गर्न लागेका हुन् । राजीव थापाको लेखनमा बन्न लागेको चलचित्र आगामी अगस्टमा लण्डन र नेपालमा छायांकन हुनेछ ।