काठमाडौँ । क्यानडालागि शैक्षिक उत्कृष्ट परामर्शदाताका रूपमा परिचित संस्था गोरेटो एजुकेसनल कन्सल्टेन्सीले अध्ययनका लागि यूके जाने विद्यार्थीहरूलाई समेत सेवा थालनी गरेको छ । शिक्षा मन्त्रालयको तथ्याङ्कले पछिल्लो समय युकेको लागि नो अब्जेक्सन सर्टिफिकेट लिने विद्यार्थीहरूको चाप बढेको देखाएको छ । विश्वव्यापी मान्यता, आधुनिक समय अनुसारको कोर्सहरूको उपलब्धता, पढाई पश्चात् पाइने पोस्ट स्टडी वर्क पर्मिट, छिटो छरितो सरल कागजी प्रक्रिया र अन्य मुलुकको तुलनामा यूके अन्तर्राष्ट्रिय विद्यार्थीप्रति उदार भएकाले युके पछिल्लो समय आकर्षणको केन्द्रबिन्दु रहेको कुरा गोरेटो कन्सल्टेन्सीका निर्देशक धिरज कँडेलले बताए ।

युकेमा विशेषतः ३ बर्षे स्नातक तह, १ बर्षे मास्टर र मास्टर बाई रिसर्च कोर्समा आईएलटिएस वा पिटिई परीक्षा दिएर वा जिपिए स्कोर र १२ को अङ्ग्रेजी बि वा बि प्लस हासिल गरेका विद्यार्थीहरू आईएलटिएस वा पिटिई परीक्षा बिना नै युनिभर्सिटी तथा कलेजले अफर दिने कुरो गोरेटोका संयोजक प्रकाश रेग्मीले बताए । रेग्मीका अनुसार मास्टर्स बाई रिसर्च पढ्न जाने विद्यार्थीले आफ्नो श्रीमान् श्रीमती र बच्चा बच्ची पनि साथै लान मिल्ने अधिकार हुने बताउनुभयो । एक बर्समै मास्टर वा मास्टर बाई रिसर्च कोर्स सकिने र सो पश्चात् २ वर्षको पोस्ट स्टडी वर्क पर्मिट पाइने भएकाले स्नातक तह पछि मास्टर पढ्न जानको लागि लागत कम पर्ने र कम लागतमा विश्वव्यापी मान्यताप्राप्त विश्वविद्यालयमा ज्ञान तथा सिप अभिवृद्धि हुनुका साथै अन्तर्राष्ट्रिय अनुभवले बहुआयमीक र दूरगामी प्रभाव राख्दछ भन्ने विश्वास रहेको रेग्मीले बताए ।

संयोजक रेग्मीले १२ पछि स्नातक तह पढ्न जाने बिद्यार्थीहरुको हकमा भने धरै महँगो युनिभर्सिटीमा लगातार ३ वर्ष फि तिर्न प्राविधिक हिसाबले कठिन हुने हुँदा बर्सेनि करिब १२ देखि १३ हजार पाउन्ड भन्दा महँगो कलेज वा युनिभर्सिटीमा आफ्नो आर्थिक हैसियत हेरेर बिचार गरेर जानुपर्ने बताए । उनले अन्तर्राष्ट्रिय विद्यार्थीले पढाई दौरान हप्ताको २० घण्टा मात्र काम गर्न मिल्ने र भ्याकेसन बिदाको समयमा फुल टायम काम गर्न मिल्ने बताए । यद्यपि विद्यार्थीका डिपेन्डेन्टले भने फुल टायम काम गर्न मिल्ने बताए ।

निर्देशक कँडेलका अनुसार युकेको ईङ्लायान्ड, स्कटल्यान्ड वेल्स र नर्दन आयरल्याण्डका विभिन्न सहरहरूमा रहेका प्राय ख्यातिप्राप्त विश्वविद्यलयहरुमा गोरेटो एजुकेसनल कन्सल्टेसीको मुख्य कार्यालय नयाँ बानेश्वर, शाखा कार्यालयहरू कुमारी पाटी, इटहरी, चितवन, पोखरा मार्फत भिसा एप्लिकेसन गर्न सकिने र सदाझैँ आम विद्यार्थी र अभिभावकको विश्वास र भरोसाको केन्द्रविन्दुमा रही अझै अब्बल सेवा प्रदान गर्ने दृढ विश्वास व्यक्त गरे ।