बाँके । बाँकेमा ट्याक्टर पल्टिँदा एक युवकको मृत्यु भएको छ । दुर्घटनामा ट्याक्टर चालक पनि घाइते भएका जिल्ला प्रहरी कार्यालय बाँकेले जनाएको छ ।

आइतबार जानकी गाउँपालिका ३ इन्दरपुरमा ट्याक्टर दुर्घटना हुँदा ३४ वर्षीय युवकको मृत्यु भएको हो । दुर्घटनामा नेपालगञ्ज –१६ जैसपुरका अन्दाजी ३४ वर्षीय रफिक अन्सारीको मृत्यु भएको हो ।

अन्सारीले ट्याक्टरमा मजदुरी गर्दै आएका थिए । दुर्घटनापछि ट्याक्टर चालक फरार छन् । उनी पनि घाइते रहेका प्रहरीले जनाएको छ । नेपालगञ्जबाट करमोहनातर्फ जाँदै गरेको भे १ त ९८२६ नम्बरको ट्याक्टर दुर्घटना भएको हो ।