काठमाडौं । काठमाडौं, ललितपुर र भक्तपुर गरी तीन जिल्लाको कमाण्ड गर्ने काठमाडौं उपत्यका प्रहरी कार्यालय रानिपोखरीको कमाण्डर गीतकार समेत रहेका एआईजी टेकबहादुर तामाङ भएका छन् ।

प्रहरी प्रधान कार्यालयको अपराध अनुसन्धान विभागमा कार्यरत रहेका तामाङलाई मंगलबारको मन्त्रिपरिषद् बैठकले रानिपोखरीमा सरुवा गर्ने निर्णय गरेको हो । रानिपाखेरीमा कार्यरत रहेकी एआईजी किरण बज्राचार्य ५६ वर्षे उमेरहदका कारण अनिवार्य अवकाशमा गएपछि तामाङलाई उक्त ठाउँमा सरुवा गरिएको हो ।

टेक तामाङको नामबाट गीत लेख्ने एआईजी तामाङका जीवन साथी, आमा, नाता,स्वदेश, लगायतका एकल गीति एल्वम र फूटकर रचना गरि दर्जनौ गीत सार्वजनिक छन् । उनको टेक तामाङ नामक आफ्नै अफिसियल युट्युव च्यानल पनि छ ।