काठमाडौं । नेकपा एमालेका पोलिटब्यूरो सदस्यसमेत रहेका नेता महेश बस्नेतसँग नाम जोडिएकी धादिङकी शोभा पाठकलाई प्रहरीले नियन्त्रणमा लिएको छ । उनलाई सोमबार दिउँसो काठमाडौं जिल्ला अदालत परिसरबाटै प्रहरीले नियन्त्रणमा लिएको हो ।

पाठकले नेकपा एमालेका पोलिटब्यूरो सदस्यसमेत रहेका नेता महेश बस्नेतले आफूविरुद्ध षड्यन्त्र गर्न खोजेपछि आफैंले प्रहरीसमक्ष गिरफ्तारी दिएको बताएकी छिन् ।

यसअघि पनि उनी साइबर कसुरको आरोपमा पुल्चोकबाट पक्राउ परेकी थिइन् । पूर्वमन्त्री बस्नेतसँगको सम्बन्धको विषयलाई लिएर पाठक बेलाबेलामा चर्चामा आउने गर्छिन् ।