काठमाडौं । रौतहटको चन्द्रपुर नगरपालिका वडा नम्बर ४ स्थित पूर्वपश्चिम राजमार्ग अन्तर्गत धन्सार–लमाहा खण्डको धन्सार पुल निजकै आज बिहान स्कर्पियो दुर्घटना हुँदा चालकसहित ८ जनाको मृत्यु भएको छ । निजगढबाट चपुरतर्फ आउँदै गरेको बा१६च ३१६२ नंको स्कर्पियो दुर्घटना भएको प्रहरीले जनाएको छ ।

बाराको गढीमाई दर्शन गरेर सिराहा फर्कँदै गरेका दर्शनार्थी बोकेको बा १६ च ३१६२ नम्बरको स्कर्पियो अनियन्त्रित भई सडकबाट तल दाहिने साइडको रुखमा ठोक्किएर दुर्घटना भएको थियो ।

दुर्घटनामा परी सिराहा अर्नामा गाउँपालिका–३ बंठियाटोलका ६० वर्षीया लरुवती देवी महरा, ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगीं देवी महरा, ६२ वर्षीया फुलमन्ति देवी चमार, ६० वर्षीया रामकुमारी देवी महरा, ३० वर्षीया सकुन्तला देवी महरा र ४० वर्षीय स्कर्पिओ चालक श्रीकुमार यादवको मृत्यु भएको इलाका प्रहरी कार्यालय चन्द्रनिगाहपुरले जनाएको छ। घाइते ४ जनाको उपचार भइरहेको छ ।