काठमाडौं । उप निर्वाचनको प्रचार प्रसारको अन्तिम दिन आज कीर्तिपुरमा विभिन्न दलका शीर्ष नेताहरूले सम्बोधन गर्ने भएका छन् ।
नेपाली कांग्रेसका दुई महामन्त्री गगन थापा र विश्वप्रकाश शर्मा, नेकपा माओवादीका अध्यक्ष पुष्पकमल दाहाल ‘प्रचण्ड’, एमाले महासचिव शंकर पोखरेल, कीर्तिपुरमा आयोजित चुनावी सभालाई सम्बोधन गर्ने छन् । कांग्रेसले केहिबेरमा कीर्तिपुरस्थित लोकतान्त्रिक चोकमा गर्ने खुलासभालाई महामन्त्रीद्वय थापा र शर्माले सम्बोधन गर्ने कार्यक्रम तय भएको छ ।
त्यस्तै, माओवादी केन्द्रका अध्यक्ष प्रचण्डले ३ बजे कीर्तिपुरस्थित नगाउँ दोबोटोमा हुने सभामा सम्बोधन गर्दैछन् ।

नेकपा एमालेले पाँगामा चुनावी सभा गर्दैछ । उक्त सभालाई महासचिव पोखरेल र बागमतीका इन्चार्ज राजन भट्टराईले सम्बोधन गर्नेछन् ।