काठमाडौं । गत साता लुम्बिनी क्षेत्रको भ्रमण गरेका पूर्वराजा ज्ञानेन्द्र शाह आगामी साता मध्यपश्चिम तथा सुदूरपश्चिम क्षेत्रको भ्रमणमा निस्किने भएका छन् ।

आगामी साता उनी नेपालगञ्ज जाने पूर्वराजा शाहका संवाद सचिव फणिराज पाठकले बुधबार बिहान एक विज्ञप्ति जारी गर्दै जानकारी गराएका छन् । पूर्वराजा शाहको साथमा उनकी पत्नी कोमल शाह समेत रहने छिन् ।

अहिलेको भ्रमणका क्रममा हुने कार्यक्रमबारे पूर्वराजा शाहको सचिवालयले खुलाएको छैन । गत साता लुम्बिनी भ्रमणका क्रममा बुद्ध धर्मावलम्बीहरूले शाहलाई भव्य स्वागत गरेका थिए ।