काठमाडौं । कलाकार सुरज चापागाईं ‘बान्द्रे’को लेखन निर्देशन प्रशारण भैरहेको नयाँ वेब सिरिज ‘मेरी आम्मै’को चौथो भागबाट हास्यकलाकार दिनेश काफ्ले र हरिसा बानियाँ ( भुनिया) जोडिएका छन् । प्रत्येक शनिबार बेलुका साढे ७ बजे ‘बान्द्रे नारायण’बाट स्ट्रिमिङ भइरहेको छ ।

काफ्ले नक्कली माग्ने बुढोको भुमिकामा र बानियाँ भुनियाको भुमिकामा देखिएका छन् । ‘मेरी आम्मै’मा चापागाई बान्द्रेकै भुमिकामा र ‘मेरी बास्सै’की कलाकार सुनिता गौतम ‘मैयाँ’, बान्द्रेको दिदीकै भुमिकामा छिन् । अन्य कलाकारहरुमा सुशील पोखरेल, यादव देवकोटा ‘सरापे’, रमेश बुढाथोकी, मुस्कान लामा, रमेश बुढामगर, सूर्य श्रेष्ठ , गिरी प्रसाद पुन्, कुलवहादुर वली ,राजकुमार देवकोटा, भगत शाहको अभिनय देख्न सकिन्छ ।

सूर्य श्रेष्ठले निर्माण गरेको ‘मेरी आम्मै’को शीर्ष गीतमा शिव परियारको स्वर योगेशकाजीको संगीत रहेको छ । शीर्ष गीतको शब्द प्रसिद्ध गीतकार लोकराज अधिकारीले लेखेका हुन् । सिरिजलाई युवराज खत्रीले खिचिरहेका छन् भने सन्दिप चौधरीले सम्पादन गर्दै आएका छन् ।