काठमाडौं । विराज भट्ट, रेखा थापा, राज तिमल्सिना, सोनिया केसी अभिनीत सुपर हिट चलचित्र सिलसिला बनेको १५ वर्षपछि फेरि ‘सिलसिला’ शीर्षकमा चलचित्र निर्माण हुने भएको छ ।

चलचित्रलाई हिरो, धड्कनजस्ता सफल चलचित्र निर्देशन गरेका नरेश पौड्यालले लेखन र निर्देशन गर्दैछन् । उनी १४ वर्षपछि निर्देशनमा फर्किँदैछन् ।
आगामी माघ २१ गते चितवनमा शुभमुहूर्त गरेर चलचित्रको छायांकन सुरु गर्ने तयारीमा रहेको यस चलचित्रका निर्माता सूर्य श्रेष्ठ हुन् ।
२०८२ सालमा प्रदर्शन गर्ने लक्ष्य लिइएको यो चलचित्र चितवन र मकवानपुरमा छायांकन हुनेछ । चलचित्रका कलाकारहरू भने निश्चित भइसकेका छैनन् ।