काठमाडौं । मोडल उमेश भट्टको महत्वाकांक्षी प्रोजेक्टका रूपमा तयार भएको ‘गर्न मन छ तमी सँग कुरा पियारी’ बोलको गीतको म्युजिक भिडियो सार्वजनिक भएको छ ।
गीतका शब्द प्रसिद्ध गीतकार लोकराज अधिकारीले लेखेका हुन् । द भ्वाइसका प्रथम बिजेता सिडी विजय अधिकारीको संगीत रहेकोे गीतमा समीक्षा अधिकारी र सिडीको स्वर रहेको छ । पुष्कर खत्रीको संगीत संयोजन रहेको गीतको मिक्सिङ साजन साहले गरेका हुन् । गीतको भिडियोमा उमेशसँगै अहिलेकी चर्चित मोडल जुना विश्वकर्मा र कमल सिंहको अभिनय रहेको छ ।

रोशन विश्वकर्माको सह कोरियोग्राफी र राजीव समरको निर्देशनमा बनेको म्युजिक भिडियोवाट आफू निकै आशावादी रहेको भट्टले बताएका छन् । गागलफेदीमा छायांकन गरिएको भिडियोलाई दिनेश पराजुलीले खिचेका हुन् । युवि क्रियशन युट्युव च्यानलबाट सार्बजनिक भएको भिडियो लाई विवेक सुनारले सम्पादन र सुप्रिम पराजुलीले रंग संयोजन गरेका हुन् ।