काठमाडौं । निर्मला पन्त हत्या प्रकरणमा आफू प्रत्यक्षदर्शी भएको भन्दै अन्तर्वार्ता दिने गोरखाका नवराज अर्याल पक्राउ परेका छन् भने अन्तवार्ता लिने पत्रकार ऋषि धमलालाई प्रहरीको केन्द्रीय अनुसन्धान ब्युरो (सीआईबी)ले सोधपुछ गरेको छ ।
सीआईबीले बुधबार सोह्रखुट्टे क्षेत्रबाट अर्याललाई पक्राउ गरेको हो ।

गलत विवरणसहित दुष्प्रचार गरेको आरोपमा उनलाई प्रहरीले पक्राउ गरेको हो । प्रहरीले अर्याल संग मंगलबार सोधपुछ गरेको थियो भने आज बोलाउँदा भाग्ने प्रयास गरेपछि पक्राउ गरिएको प्रहरीले जनाएको छ । अर्यालले प्राइम टाइम टेलिभिजनको कार्यक्रममा अन्तर्वार्ता दिँदै निर्मलाका हत्यारालाई कानुनी कठघरामा ल्याउनुपर्ने र आफ्नो सुरक्षाको ग्यारेन्टी गरे बलात्कारका आरोपीबारे सूचना दिने बताएका थिए ।