काठमाडौं । अमेरिकामा बस्दै आएका गायक जितेन्द्र गिरी र सिलुगुडीकी गायिका जुनू गौतमको स्वरमा भँमरा फूलकै कुरा जोडछन् प्रेममा बोलको गीत रेकर्डिङ भएको छ । महेश खड्काको संगीत र सुदीप सागरको संगीत संयोजन रहेको गीतका शब्द प्रसिद्ध गीतकार लोकराज अधिकारीले लेखेका हुन् ।
अनामनगरस्थित म्युजिक बैंकमा रेकर्ड गरिएको गीतमा युवायुवतीको प्रेमप्रसंगप्रेममा आशंका तर उदाहरणीय प्रेम कस्तो भन्ने भाव रहेको छ ।

केही समयपहिले नेपाल आएका बेला गायक गिरीले स्वर भरेका थिए भने गायिका गौतमले शुक्रबार स्वर भरेकी हुन् । गिरीसँग यसअघि सहकार्य गरेका गीतकार अधिकारीको जुनूसँग भने पहिलो सहकार्य हो । गीतको रेकर्डिङ विजय बुढाले गरेका हुन् । गीत छिट्टै सार्वजनिक गरिने गायक गिरीले बताएका छन् ।