काठमाडौं । गायिका रचना रिमालको स्वर रहेको जोर मादल बोलको तीज गीत सार्बजनिक भएको छ । रिपोर्टर्स क्लब अमेरिकाको प्रस्तुति रहेको गीतको शब्द तथा लय प्रसिद्ध गीतकार लोकराज अधिकारीको रहेको छ । कृष्ण पुनको एरेन्ज रहेको गीतलाई साजन शाहले मिक्सिङ गरेका हुन् ।

किशन रेग्मीले छायाँकन र निर्देशन गरेको भिडियोमा टेक्ससमा बस्ने चौबिस जना नेपाली चेलीबेटीहरूको अभिनय रहेको छ । जस्को संयोजन राधा अधिकारीले गरेकी हुन् । भिडियोको कोरियोग्राफी प्रियंका ऐरले र सम्पादन नीराजन केसीले गरेका हुन् । रिपोर्टर्स क्लबको युट्युब च्यानलबाट रिलिज भएको गीतलाई सकारात्मक प्रतिक्रिया प्राप्त भएको छ ।
गीतकार अधिकारीको यो वर्षको दोस्रो मौलिक तीज गीत हो । यसअघि एलिना चौहानको स्वर रहेको ‘गम्किदे मादलु’ बोलको गीत सार्वजनिक भएको थियो ।