काठमाडौं । हास्यव्यंग्यमा आधारित टेलिभिजन कार्यक्रम ‘कमेडी किरो राष्ट्रको हिरो’ को आधिकारिक घोषणा गरिएको छ । रेस्क्यु क्रियसनले निर्माण गर्ने यो कार्यक्रमको एक कार्यक्रमका बीच लोगो र प्रोमो सार्वजनिक गरिएको हो । कमेडी फर करियर भन्ने नारासहित यो कार्यक्रम जनता टेलिभिजन, म्युजिक नेपालको युट््युब च्यानल र रेडियो जनता ८९.१ मेगाहर्जबाट प्रसारणमा आउने जनाकारी दिइएको छ ।
देशभरबाट डिजिटल अडिसनमार्फत आएका प्रतियोगीबाट टप २० छान्ने र उनीहरूलाई एक वर्षको लागि रोजगार दिने कार्यक्रमका प्रमुख सुमन अधिकारीले जानकारी दिएका छन् । मासिक तलबमा काम गर्ने रोजगारी सिर्जना गर्ने उद्देश्यले यो शो निर्माण गर्न लागिएको अधिकारीले बताए ।

चार किसिमको वर्गीकरण गरेर कार्यक्रमको फम्र्याट बनाइएको र यसबाट प्रखर कमेडियन उत्पादन हुने पनि उनले बताए । कार्यक्रमको डिजिटल अडिसन सुरु भएको छ । डिजिटल अडिसनको लागि दुई मिनेटसम्मको भिडियो बनाएर व्हाट्स एपमार्फत पठाउन सकिने आयोजकले जनाएको छ । कार्यक्रममा बोल्दै टेलिभिजनका अध्यक्ष डा. विजय पौडेलले यस कार्यक्रमले आर्थिक आर्जनमा समेत मद्दत पुग्ने र धेरै जनाले रोजगारी पाउने बताए । कार्यक्रमको सञ्चालन कमेडियन दिनेश काफ्लेले गर्नेछन् । कार्यक्रममा सहभागीहरूलाई सन्तोष खनाल, सुदीप खतिवडा, सरोज भण्डारीले प्रशिक्षण दिनेछन् । कार्यक्रमको निर्देशन मोहन अधिकारीले गर्ने भएका छन् ।