काठमाडौं । निर्देशक दिवाकर भट्टराईले निर्देशन गर्न लागेको चलचित्र ‘नरसिंहाः अवतार’बाट महानायक राजेश हमाल आठ वर्षपछि चलचित्र क्षेत्रमा कमब्याक गर्दैछन् । हमाल यो चलचित्रलाई लिएर उत्साहित छन् । चलचित्रको केन्द्रीय भूमिकामा हमालसँगै नायक राज कटुवालको पनि मुख्य भूमिका रहनेछ ।

निर्माणपक्षले चलचित्रको नामको घोषणा गरेसँगै थिम पोस्टर पनि सार्वजनिक गरेको छ । क्रियटिभ सिने आर्ट्सको ब्यानरमा निर्माण हुन लागेको यो चलचित्रको अन्य प्राविधिक र कलाकारको विषयमा थप जानकारी दिइएको छैन । चलचित्र तीन करोडभन्दा माथिको लगानी रहने बताइएको छ ।