काठमाडौँ । जापानलाई कर्मथलो बताएकी गायिका शान्ता जिसीले यस पटक ‘फेरी आयो तिज’ बोलको गीत सार्वजनिक गरेकी छन् ।  

उनलाई प्रेम सापकोटा सोनुले गायनमा साथ दिएका छन् ।  गीतको शब्द र सङ्गीत पनि सापकोटाको रहेको छ ।  सङ्गीत संयोजन विश्वास नेपालले गरेका हुन् ।  गोविन्द पराजुलीले रेकर्ड गरेको गीतलाई खडक बाजुरालीले मिक्सीङ गरेका हुन् ।   

शान्ताको आफ्नै च्यानल बाट सार्वजनिक गरिएको गीतको भिडियोमा शिशिर पौडेल र अन्जु निरौलाको अभिनय रहेको छ ।  दुर्गा पौडेलले निर्देशन र छायाङ्कन गरेको  भिडियोलाई नवीन घर्ती मगरले रङ्ग संयोजन र सम्पादन गरेका हुन् ।  जिसीले यस अघि सुनको वाला,घरवारी यस्तो भा छ मलाई त लगायतका गीत सार्वजनिक गरिसकेकी छन् भने एकल एल्वम बाचा सार्वजनिक गरेकी छन् ।