काठमाडौँ । प्रधानमन्त्री केपी शर्मा ओलीले एक साता अगाडि उदघाटन गरेको हिल्टन होटेलकोे नक्सा पास नभएको काठमाडौ महानगरले जनाएको छ ।
काठमाडौँ महानगरपालिका शहरी व्यवस्थापन विभागका अनुसार हिल्टन र बसेरा बुटिक होटेलकोे नक्सा पास भएको छैन । नक्सालस्थित होटेल हिल्टन र सिंहदरबारस्थित होटेल बसेराको नाममा नक्सा पास भएको कम्प्युटर अभिलेखमा नदेखिएको पत्रमा उल्लेख छ । स्थानीय सरकार सञ्चालन ऐन २०७४ को दफा ३९ अनुसार नक्सा पास नगरी भवन निर्माण गर्नु गैर कानुनी हो । बसेरा बुटिक पाँच वर्षदेखि सञ्चालनमा छ भने हिल्टन गत शुक्रवारबाट मात्र सञ्चालनमा आएको हो । जहाँ केहि दिन पहिले नेकपा एमालेको पदाधिकारी बैठक बसेको थियो ।