काठमाडौं । चर्चित गायिका शान्तीश्री परियार र गायक तथा संगीतकार योगेशकाजीले तीजको अवसरमा नयाँ गीत सार्वजनिक गर्ने भएका छन् ।
शुक्रबार एसएमएस स्टुडियोमा रेकर्डिङ भएको उक्त गीत नायक पल शाहको युट्युब च्यानलबाट सार्वजनिक गरिने निर्माता वीरेन्द्र्र शाहीले जानकारी दिएका छन् ।

प्रसिद्ध गीतकार लोकराज अधिकारीको शब्द रचना योगेशकाजीकै संगीत तथा संगीत संयोजन रहेको गीतको म्युजिक भिडियो केही दिनमै तयार गरिने भएको छ । गीतमा पल शाहको अभिनय रहने निर्माण टिमले जानकारी दिएको छ । गीत असाध्यै मीठो बनेको र गीत गाउँदा आफू स्टुडियोमै नाचेको गायिका परियारले बताएकी छन् ।