काठमाडौं । सहकारी संस्थाबारे छानबिन गर्न बनेको संसदीय छानबिन विशेष समितिले राष्ट्रिय दलको मान्यता पाएका राजनीतिक दलहरूबाट सुझाव लिने भएको छ ।

मंगलबार बसेको समितिको बैठकले सुझाव लिने निर्णय गरेको हो । बैठकले दलहरूबाट समस्या समाधानका लागि लिखित रूपमा सुझाव उपलब्ध गराउन पत्राचार गर्ने निर्णय गरेको छ ।
आजको बैठकले राष्ट्रिय सहकारी महासंघ, केन्द्रीय सहकारी संघ र राष्ट्रिय सहकारी बैंक लिमिटेडका पदाधिकारीसँग पनि छलफल गरेको छ ।