काठमाडौं । अमेरिकामा रहेर नेपाली गीत र साहित्य सिर्जनामा निरन्तर लागिरहेका गीतकार कुमार मिश्रको रचनामा नयाँ गीत प्रेम युद्ध सार्वजनिक भएको छ ।
गीतमा प्रसिद्ध गायक मनोज राजको स्वर रहेको छ । संगीत कर्मा ग्याल्जेन बम्जनले गरेका हुन् । गीतको संगीत संयोजन फणीन्द्र राईले गरेका हुन् भने मिक्सिङ किशोर थापाले गरेका हुन् । गीतको लिरिकल भिडियो केके अप्टेक च्यानलबाट सार्वजनिक गरिएको हो । दुई दशकभन्दा बढी समयदेखि लेखनमा सक्रिय मिश्रको सामीप्य र सम्बन्ध नामक एकल गजल एल्बमसहित फुटकर पाँच दर्जनभन्दा बढी गीत गजल सार्वजनिक भइसकेका छन् ।