काठमाडौं । कवि तथा गीतकार पुष्पा खनालको गीत ‘माया केवल माया’को फिमेल डोयट भर्सन शुक्रबार सार्वजनिक भएको छ ।
अञ्जु पन्त र सरोज कोइरालाको स्वर रहेको गीतको संगीत पनि कोइरालाले नै गरेका हुन् भने संगीत संयोजन गोविन्द मधुर आचार्यले गरेका हुन् ।
सार्वजनिक भएको गीतको भिडियोमा नायक शीतल केसी र मोडल चन्द्रकुमारी राईको अभिनय छ । अजय रेग्मीले छायांकन गरेको भिडियोलाई दिन्सन शाहले रंग संयोजन र सम्पादन गरेका हुन् । वरिष्ठ नृत्य निर्देशक राजु शाहले कोरियोग्राफी र क्रियटिभ निर्देशकको भूमिका निर्वाह गरेको भिडियोको निर्देशन भने गोपाल ढकाल छन्देले गरेका हुन् ।