काठमाडौं । नेपाल ए ले क्यानडालाई १८२ रनको लक्ष्य दिएको छ । मुलपानीमा टस हारेर पहिले ब्याटिङ गरेको नेपाल ए ले ४६.६ ओभर खेल्दै १८१ रन बनाएको हो ।
अर्जुन कुमाल र आशुतोष घिरैयाले पहिलो विकेटका लागि ५१ रनको साझेदारी गरेका थिए । घिरैया २८ रन बनाएर आउट भए ।
अर्जुन कुमाल २७ रनमा आउट भए भने बसिर अहमदले २४ र सन्दीप जोराले २४ रन बनाए । सुजन थपलियाले २० रन बनाउँदा रासिद खान र प्रतिश जीसी समान १९÷१९ रनमा आउट भए ।
क्यानडाका निकोलस किर्तोन, डिलोन हेलिगर र हर्श थाकरले समान २–२ विकेट लिए ।