काठमाडौं । नेपाली सेनाका उपरथी अशोकराज सिग्देल रथी पदमा बढुवा भएका छन् । मन्त्रिपरिषद्को बिहीबार बसेको बैठकले उनलाई बढुवा गरेको हो । यस्तै सहसचिव सेवा लम्साल सचिवमा बढुवा भएकी छन् ।
लोक सेवा आयोगका अध्यक्ष माधवप्रसाद रेग्मीको अध्यक्षतामा सिंहदरबारमा बसेको बढुवा सिफारिस समितिको बैठकले परराष्ट्रतर्फ रिक्त एक सचिव पदका लागि सहसचिव लम्सालको एकल नाम सिफारिस गरेको थियो । बढुवासँगै लम्सालको परराष्ट्र मन्त्रालयको सचिवमा पदस्थापन पनि भएको छ ।
मन्त्रिपरिषद बैठकले विद्युत खपत वृद्धि तथा खनिज इन्धन न्यूनीकरणसम्बन्धी कार्ययोजना, २०८० स्वीकृत गरेको छ ।