काठमाडौं । आज बिहान गएको भूकम्पका कारण धादिङको ज्वालमुखी गाउँपालिका–५, कुमालटारीमा २० वटा घर भत्किएका छन् भने ७५ घर चर्किएका छन् ।

भूकम्पबाट भएको क्षतिको विवरण आउनेक्रम जारी रहेको प्रहरीले जनाएको छ । पटक–पटक चार रिक्टरस्केलभन्दामाथिका भूकम्पका परकम्पहरु गएका कारण मानिसहरु घर बाहिर बसेका छन् । धादिङको साविक खरी गाविस केन्द्रविन्दू भई आज बिहान छ दशमलव १ म्याग्निच्यूडको भूकम्प गएको थियो ।