काठमाडौं । कोशी प्रदेशका प्रदेश प्रमुख पर्शुराम खापुङले संबिधानको धारा१६८ (५) अन्तरगत कोशी प्रदेशमा सरकार गठनको आह्वान गरेका छन् ।मुख्यमन्त्री हिक्मतकुमार कार्कीले राजीनामा दिएसँगै प्रदेश प्रमुखले ७ दिनको समय दिएर नयाँ सरकार गठनका लागि आव्हान गरेका हुन् ।

कोशीमा अब संविधानको धारा १६८ को उपधारा (५) अनुसार नयाँ सरकार गठन हुनेछ । कोशी प्रदेशसभाका मुख्यमन्त्री कार्कीले विश्वासको मत लिनुअगाडि हिजो राजीनामा दिएका थिए ।संविधानको धारा १६८ को उपधारा ३ बमोजिम ठूलो दलको नेताको हैसियतमा मुख्यमन्त्री बनेको हिजो ३० दिन पुगेको थियो ।

उनले विश्वासको मत पाउने अवस्था नदेखिएपछि राजीनामा दिएका हुन् ।