काठमाडौँ । प्रहरीले दोलखामा बरामद ११ किलो तस्करीको सुन प्रकरणमा एक चिनियाँ नागरिकसहित तीन जनालाई पक्राउ गरेको छ । पक्राउ पर्नेमा तासी भन्ने चिनियाँ ग्याङ रोउ, लालबहादुर तामाङ र ६५ वर्षीय सनथ प्रधान रहेका छन् । उनीहरूलाई स्वयम्भूबाट पक्राउ गरिएको हो । योसँगै यस प्रकरणमा पक्राउ पर्नेको सङ्ख्या १० पुगेको छ । यो महिना चार दिनको अन्तरालमा दोलखामा तस्करीको ११ किलो सुन बरामद भएको थियो ।