काठमाडौं । चारदेश सम्मिलित महिला टीट्वान्टी आई सिरिजको फाइनलमा हङकङले नेपाल सामु जितका लागि १ सय २ रनको लक्ष्य दिएको छ ।
मलेसियाको बायोमास ओभलमा टस हारेर पहिला ब्याटिङको निम्तो पाएको हङकङले निर्धारित २० ओभरमा ६ विकेट गुमाउँदै १ सय १ रन बनायो । हङकङका लागि कप्तान केरी चानले ४५ बलमा २९ रन बनाइन् ।

मारिना लम्प्लगले २० बलमा २ चौकासहित १९ रन बनाइन् । इक्रा साहर ८ बलमा १ चौकासहित १० रनमा अविजित रहिन् । शान्जिन शाहजाद १० बलमा १ चौकासहित १४ रन बनाइन् । नेपालका लागि खुशी डंगोलले ३ तथा अश्मिना कर्माचार्य र कविता जोशीले समान १÷१ विकेट लिए ।