काठमाडौं । राष्ट्रियसभा सदस्य खिमलाल देवकोटाले नक्कली भुटानी शरणार्थी प्रकरणको छानबिनका लागि पनि समिति गठन गर्नुपर्ने माग गरेका छन् ।

सुन तस्करीभन्दा ठूलो लज्जाको विषय बनेको नक्कली भुटानी शरणार्थी प्रकरणको छानबिनबारे सरकार र राजनीतिक दलहरू किन चुपचाप ? भन्दै उनले प्रश्न गरे । मंगलबार राष्ट्रियसभा बैठकमा सांसद देवकोटाले सुन तस्करी वा अरू प्रकरणको छानबिनका लागि संसदीय समिति नै बनाउन उपयुक्त हुने तर्क समेत गरे ।

संसद् जनताको विश्वासयोग्य र भरोसायोग्य थलो भएकाले कुनै पनि प्रकारको छानबिन गर्नका लागि संसदीय समिति नै बनाउनुपर्ने उनको भनाइ छ ।