काठमाडौं । स्वास्थ्य तथा जनसंख्यामन्त्री मोहनबहादुर बस्नेतले पदभार ग्रहणको एकसय दिन पुगेको अबसरमा मन्त्रालयले शुक्रबार राष्ट्रिय सभागृहमा एक कार्यक्रम गर्ने भएको छ ।
एकसय दिनका उपलब्धि र सुधारका पहलबारे राखिएको कार्यक्रममा प्रधानमन्त्री पुष्पकमल दाहाल प्रचण्ड प्रमुख अतिथि रहने मन्त्रालयले जनाएको छ ।
कार्यक्रममा अनिवार्य उपस्थितिका लागि वीर अस्पतालले आफ्ना कर्मचारीहरुलाई उर्दी जारी गरेको छ । वीरले परिपत्र गर्दै कर्मचारीहरुलाई सरकारी पोशाकमा अनिवार्य उपस्थित हुन भनेको छ ।
शुक्रवार सेतो कोट दिवस समेत रहेकाले स्वास्थ्य सेवा प्रभावित नहुने गरी सेतो कोटमा उपस्थित हुन अस्पतालले परिपत्र गरको छ ।