मकवानपुरमा सवारी दुर्घटनामा तीन जनाको मृत्यु भएको छ । आज बिहान पौने २ बजे मनहरी गाउँपालिका–६ नयाँबस्ती डिपाट गाउँस्थित पूर्व पश्चिम सडकखण्डमा हेटौँडाबाट चितवनतर्फ जाँदै गरेको ना ६ ख ६६६७ नंको ट्रक र विपरीत दिशातर्फबाट आउँदै गरेको ना ६ ख ६३१ नंको ट्रक एकापसमा ठोकिदा दुर्घटना भएको हो । एक आपसमा ठक्कर खाई दुर्घटना हुँदा दुवै ट्रकमा आगलागी भएको जिल्ला प्रहरी कार्यालय मकवानपुरका प्रहरी नायब उपरीक्षक टेकबहादुर कार्कीले बताउनु भयो ।

दुर्घटनामा तीनजनाको ज्यान गएको छ । मृत्यु हुनेमा चितवन राप्ति नपा ८ का २८ बर्षिया रिहान रुम्बा तामाङ, गोरखा गण्डकी गापा २ गोर्दीटारका २१ बर्षियासुमन चेपाङ र मकवानपुर मनहरी गापा ३ बस्ने वर्ष २० का अमृत प्रजा रहेको प्रहरिले जनाएको छ ।