काठमाडौं । काजकिस्तानलाई ३–० को सोझो सेटमा पराजित गर्दै भारतले काभा महिला भलिबल च्यालेन्ज कपको उपाधि जितेको छ ।

राष्ट्रिय खेलकुद परिषद (राखेप) को कभर्डहलमा सम्पन्न फाइनलमा भारत एक पक्षीय जित निकाल्दै च्याम्पियन बन्यो । पहिलो सेट २५–१५ ले जितेको भारतले प्रतिस्पर्धात्मक दोस्रो सेटमा काजकिस्तानलाई २५–२२ ले पछि पा¥यो । प्रतियोगितामा बलियो मानिएको काजकिस्तान त्यसपछि कुनैपनि समय खेलमा फर्किन सकेन । तेस्रो सेट १८–२५ ले गुमाउँदै उपाधि भारतलाई सुम्पियो ।

जारी प्रतियोगितामा भारतले उज्वेकिस्तानलाई र काजकिस्तानले नेपाललाई सेमिफाइनलमा हराउँदै फाइनलमा पुगेका थिए । भारतले जारी प्रतियोगितामा अपराजित रहँदै उपाधि उचालेको हो । यस्तै, आयोजक नेपाल आजै सम्पन्न तेस्रो स्थानको खेलमा उज्वेकिस्तानलाई ३–१ को सेटमा हराउँदै तेस्रो हुन सफल रह्यो ।