काठमाडौं । काठमाडौंको टोखा नगरपालिका–८मा श्रीमतीको हत्या गरेको आरोपमा श्रीमान पक्राउ परेका छन् ।

गएराति मोतीमाया पौडेलको हत्या भएको जिल्ला प्रहरी परिसर काठमाडौंका एसपी सीताराम रिजालले जानकारी दिनुभएको छ ।

उनको हत्या आरोपमा प्रहरीले धनकुटा चौबिसे गाउँपालिकाका ५५ वर्षीय निङमा शेर्पालाई पक्राउ गरेको हो । उनलाई प्रहरीले हिजो राति नै पक्राउ गरेको हो ।

एसपी रिजालका अनुसार उनीहरूबीच झगडा भएको थियो ।

शेर्पाले रक्सी खाएर श्रीमती पौडेलमाथि कुटपिट गरी हत्या गरेको आरोप छ। कुटपिटबाट पौडेलको घटनास्थलमै मृत्यु भएको थियो ।

उक्त खबरपछि प्रहरी वृत्त महाराजगन्जबाट खटिएको टोलीले उनलाई पक्राउ गरेको हो ।