काठमाडौ- राष्ट्रपति रामचन्द्र  पौडेल बेलायती राजा चार्ल्स तृतीयको  राज्याभिषेक समारोहमा सहभागी हुन जाने तयारीमा  छन् ।राष्ट्रपति निर्वाचित भएपछि पौडेलको यो पहिलो विदेश भ्रमणको तयारी हो ।

नेपालका राष्ट्रप्रमुखको २० वर्षपछि बेलायत भ्रमण हुन लागेको हो ।यसअघि सन् २००३ मा तत्कालीन राजा ज्ञानेन्द्रले राष्ट्रप्रमुखको हैसियतमा बेलायत भ्रमण गरेका थिए ।

राष्ट्पति पौडेलको भ्रमणबारे लन्डनस्थित नेपाली दूतावासले पनि आफ्नो तरिकाबाट तयारी थालेको बुझिएकाे छ ।राष्ट्रपति पौडेलकाे बेलायत भ्रमण तालिका भने तय भइसकेकाे छन । त्यसका लागि आवश्यक पूर्वतयारी भने भइरहेको स्राेतले जनाएकाे छ । राष्ट्रपति राजा चार्ल्स तृतीयको  राज्याभिषेक आगामी मे ६ तारिखमा लन्डनस्थित वेस्टमिनिस्टर गिर्जाघरमा हुने भएकाे छ ।