पाटन क्याम्पसमा आज स्ववियु निर्वाचन हुँदैछ । चैत ५ गते रोकिएको निर्वाचन आज हुन लागेको हो । करिब ७ हजार ६ सय विद्यार्थी रहेको पाटनमा सभापतिका लागि विधार्थि संगठन र स्वतन्त्र गरि आधा दर्जन उम्मेदवारले उम्मेदवारी दिएका छन् । त्रिभुवन विश्वविद्यालयले चैत ५ गते स्ववियु निर्वाचनको मिति तय गरेको थियो ।

उक्त मितिमा ४५ वटा आंगिक क्याम्पस र करिब ३०० सम्बन्धन प्राप्त क्याम्पसहरूमा निर्वाचन भएको थियो । विद्यार्थी संगठनहरूको अवरोध तथा तालाबन्दीका कारण १७ वटा आंगिक क्याम्पसहरूमा निर्वाचन हुन सकेको थिएन । बाँकी क्याम्पसहरुमा चैत ३० गते भित्र स्ववियु निर्वाचन हुने भएको छ ।