काठमाडौं । सहिद स्मारक ’ए’ डिभिजन लिग फुटबलको छैटौं चरण अन्तर्गत आज दुई खेल हुँदैछन्

लिग अन्तर्गत आज एक खेल च्यासल मैदान र एक खेल एन्फा कम्प्लेक्समा हुनेछ । च्यासल मैदानमा न्युरोड टिम एनआरटी र चर्च ब्वाइज युनाईटेडबीच प्रतिस्पर्धा हुनेछ ।

एनआरटी आज पहिलो जितको खोजीमा हुनेछ । एनआरटी २ अंक जोडेर १३ औं स्थानमा रहेको छ ।

चर्च ब्वाइज चौंथो जितको खोजीमा हुनेछ । चर्च ११ अंक जोडेर तेस्रो स्थानमा रहेको छ ।

एनआरटी र चर्च ब्वाइजबीचको खेल दिउँसो २ बजे सुरु हुनेछ । जावलाखेल र सातदोबाटोबीचको खेल दिउँसो २ बजे सुरु हुनेछ ।

यस्तै एन्फा कम्प्लेक्समा जावलाखेल युथ क्लब र रोयल ब्लु सातदोबाटो युथ क्लबबीच प्रतिस्पर्धा हुनेछ ।

जावलाखेल चौंथो जितको योजनामा हुनेछ ।

जावलाखेल ५ खेलमा १० अंक जोडेर चौंथो स्थानमा रहेको छ । सातदोबाटो पाँचौं जितको खोजीमा हुनेछ । सातदोबाटो १२ अंक जोडेर शीर्ष स्थानमा रहेको छ ।