काठमाडौं । लितपुर मेयर्स महिला च्याम्पिएनसिप टी–२० राष्ट्रिय क्रिकेट प्रतियोगिता २०७९ मा विभागीय टोली एपीएफ क्लबले लगातार चौथो जित निकालेको छ । एपीएफ एक खेल अगाडि नै प्रतियोगिताको फाइनलमा पुगिसकेको छ ।

आज ललितपुर ११ लाई ३७ रनले पराजित गर्दै एपीएफले चौथो जित हासिल गरेको हो । आज जितका लागि एक सय ११ रनको लक्ष्य पछ्याएको ललितपुरले निर्धारित २० ओभरमा ८ विकेट गुमाएर ७३ रन मात्रै बनाउन सक्यो ।

तीनवटै खेल हारेको ललितपुर प्रतियोगिताबाटै बाहिरिसकेको छ । एपीएफले चैत १६ गते फाइनल खेल खेल्नेछ । फाइनल पुग्ने अर्को टोलीको टुङ्गो लागेको छैन । नेपाल क्रिकेट सङ्घ क्यानको आयोजनामा चैत ९ गतेदेखि सुरु भएको प्रतियोगितामा ५ टोलीको सहभागिता रहेको छ ।

प्रतियोगितामा सुदूरपश्चिम प्रदेश, कोशी प्रदेश,नेपाल एपीएफ क्लब, मधेस प्रदेश र ललितपुर मेयर्स ११ को सहभागिता रहेको हो ।