काठमाडौं । नेकपा (एमाले) का अध्यक्ष केपी शर्मा ओलीले आफूहरुले गरेको कामबाट आतंकित भएर विरोधीहरुले अनेक जालझेल गरी सरकारबाट हटाएको बताउनुभएको छ ।

आज गुल्मीको तम्घासमा आयोजित पार्टीको कार्यक्रमलाई सम्बोधन गर्दै उहाँले यस्तो बताउनुभएको हो । सो कार्यक्रममा बोल्दै अध्यक्ष ओलीले आफूहरुलाई अनेक जालझेल गरी सरकारबाट हटाइएको बतानुभएको हो ।

साथै, अहिलेको संविधान एमालेको पहलमा बनेको उहाँको दाबी छ । संविधान जारी गर्नमा एमालेको महत्वपूर्ण योगदान रहेको बताउनुभयो ।

संविधान निर्माण पछि एमालेको नेतृत्वको सरकार बन्ने भनेर कांग्रेससँग सहमति भएपनि कांग्रेस इमानदार नभएको उहाँको दाबी छ । उहाँले कांग्रेस अहिलेसम्म इतिहासको कुनै कालखण्डमा पनि इमानदार हुन नसकेको आरोप लगाउनुभयो ।

कांग्रेसका सबैभन्दा इमानदार र सोझा नेता भनेर चिनिएको शुसिल कोइराललेसमेत एमालेसँगको सहमति कार्यान्वयन नगरेको आरोप उहाँको छ ।