काठमाडौं- नेपाली कांग्रेसले राष्ट्रिय सभा उपाध्यक्ष पदमा उम्मेदवारी नदिने भएको छ । आइतबार बिहान सभापति शेरबहादुर देउवा निवास धुम्बाराहीमा बसेको कांग्रेस संसदीय दलको बैठकले राष्ट्रिय सभा उपाध्यक्षमा उम्मेदवारी नदिने निर्णय गरेको कांग्रेस प्रमुख सचेतक रमेश लेखकले जानकारी दिए ।

लेखकले विपक्षी दलसँग बसेर सल्लाह गर्दा उम्मेदवारी नदिन सुझाव आएको र त्यही अनुसार उम्मेदवारी नदिने निर्णय गरिएको बताए ।

काँग्रेसले नेकपा माओवादी केन्द्रकी उम्मेदवार उर्मिला अर्याललाई समर्थन गर्ने निर्णय गरेको छ ।

कांग्रेसले उम्मेदवार नदिने भएपछि राष्ट्रिय सभामा उर्मिला अर्याल सर्वसम्मत हुने सम्भावना छ ।