काठमाडौं- बस ठक्करबाट काभ्रेको नमोबुद्ध नगरपालिका–७ भकुण्डेबेशीमा एक बालिकाको मृत्यु भएको छ । आज दिउँसो बा२ख ७३४२ नम्बरको बसले ठक्कर दिदाँ ८ वर्षीया बालिका दिविसा अधिकारीको घटनास्थलमै मृत्यु हो ।

घटनापछि आक्रोशित स्थानीय बासिन्दाले बसमा आगजनी गरेका छन् । यतिबेला बिपी राजमार्ग अवरुद्ध गर्दै स्थानीयहरूले प्रदर्शन गरिरहेका छन् । उक्त बस काठमाडौंबाट भकुण्डेतर्फ जाँदै गरेको प्रहरीले जनाएको छ ।