काठमाडौँ – प्रधानमन्त्री पुष्पकमल दाहाल प्रचण्ड र प्रतिनिधि सभाका सभामुख देवराज घिमिरेबीच भेटवार्ता भएको छ ।

सोमबार बिहान प्रधानमन्त्रीको सरकारी निवास बालुवाटरमा पुगेर सभामुख घिमिरेले दाहालसँग भेटवार्ता भएको हो। सोही भेटवार्ता समसामयिक राजनीतिक विषयवस्तुमा छलफल भएको बालुवाटर स्रोतले जनाएको छ ।

नेकपा एमालेबाट सत्ता गठबन्धनका साझा उम्मेदवार भएका घिमिरे नेकपा माओवादी केन्द्र लगायत दलको समर्थनमा गत बिहीबार सभामुख पदमा निर्वाचित भएका थिए। सभामुख भइसकेपछि घिमिरेले परामर्श गरिरहेका छन् ।