काठमाडौं – स्कुल बसको ठक्करबाट झापामा एक महिलाको मृत्यु भएको छ । गौरादहस्थित जनता माध्यमिक विद्यालय अगाडि माउन्ट एभरेष्ट बोर्डिङ स्कुलको बसले ठक्कर दिँदा ७२ वर्षिया महिला तुलसा दाहालको मृत्यु भएको हो ।

बसको ठक्करबाट गम्भीर घाइते भएकी दाहालको बिर्तामोडस्थित बिएन्डसी अस्पतालमा उपचारका क्रममा मृत्यु भएको जिल्ला प्रहरी कार्यालय झापाका सूचना अधिकारी प्रहरी नायव उपरीक्षक बसन्त पाठकले बताएका छन् ।

प्रहरीले विद्यालयको बस र त्यसका चालकलाई नियन्त्रणमा लिएको छ ।