काठमाडौँ – नेपाली काँग्रेस बागमती प्रदेश संसदीय दलको नेतामा बहादुरसिंह लामा निर्वाचित भएका छन् । दलको नेता चयनका लागि बुधबार भएको निर्वाचनमा कांग्रेस प्रदेश सभापति समेत रहेका इन्द्र बानियालाई पराजित गर्दै लामा विजयी भएका हुन् ।

लामाले २१ मत प्राप्त गरेका छन् भने बाँनियाले १६ मत पाएका छन् ।

वागमती प्रदेश सभामा नेपाली कांग्रेसका ३७ जना सांसद् छन् ।

उनीहरू दुवैजना संस्थापन पक्षका हुन् । लामा सभापति शेरबहादुर देउवा निकट हुन् भने बानियाँ नेताहरू पूर्णबहादुर खड्का र प्रकाशमान सिंह निकट मानिन्छन् ।