काठमाडौँ – सहिद स्मारक ‘ए’ डिभिजन लिगको नव प्रवेशी क्लब चर्च ब्वाईज युनाईटेडले राष्ट्रिय टिमका फरवार्ड अन्जन विष्टलाई अनुबन्ध गरेको छ । चर्च ब्वाइजले बुधवार फरवार्ड अन्जनलाई अनुबन्ध गरिएको जनाएको छ ।

२४ वर्षीय फरवार्डले चर्च ब्वाइजसँग एक वर्षको सझौता गरेका छन् । अनुबन्धित रकम खुलाईएको छैन । तर, मासिक २ लाख बढी पाउने गरि उनी अनुबन्धित भएको बुझिएको छ । अन्जन मनाङ मर्स्याङ्दी क्लब छाडेर चर्च ब्वाइज आएका हुन् ।

राष्ट्रिय टिमका लागि ११ गोल गरिसकेका फरवार्ड अन्जन चार वर्ष बिताएर मनाङ छाडेका हुन् ।